عَنْ أَبِي هُرَيْرَةَ رضي الله عنه أَنَّهُ سَمِعَ
رَسُولَ اَللَّهِ صلى الله عليه وسلم يَقُولُ: إِنَّ
اَلرَّجُلَ لَيَتَكَلَّمُ بِالْكَلِمَةِ، لَا يُلْقِي لَهَا بَالاً، يَهْوِي بِهَا
فِي اَلنَّارِ، أَبَعْدَ مَا بَيْنَ اَلْمَشْرِقِ وَالْمَغْرِبِ .
لذلك:
اليكم كلمات خطيره جدا وللأسف كتير منا بيقولها ومش فاهم معناها .......لذلك
هذه الكلمات لازم لازم نتجنبها
. (( يدى الحلق للى بلا ودان))
وسبب التحريم ان الكلمه دى معناها انك بتعدل على
ربنا فى تقسيم الرزق وده طبعا حرام وكفر بنعمة الله عليك لانك مش راضى بللى ربنا
قسمهولك.
((فلان ربنا إفتكره))
وسبب التحريم ان الكلمه دى معناها ان ربنا كان
ناسيه ولما إفتكره خده وده حرام طبعا لان ربنا ما بينساش حد
.
((والنبى ، والكعبه الشريفه ، وحياتى ، والختمه الشريفه ، ورحمة
أبويا و امى ............ وماشابه ذلك ))
وسبب
التحريم انك بتحلف بغير الله ودى كلمات من الشرك وليعاذ
بالله.
طب نعمل ايه وكلمة والنبى فى لسانا عالطول
.
لما تقولها قول لا إله إلا الله مباشرة وعود لسانك على عدم ذكرها .
((لا حول الله يارب )
اما دى بقى
مصيبه لانك كده بتقول ان ربنا مالوش لاحول ولا قوه ، والكلمه دى بتتقال لما واحد
يحصله كارثه او مصيبه او ابتلاء فتلاقى اللى قدامه قال لا حول لله وده طبعا حرام .
والواجب انك
تقول "لاحول ولا قوة الا بالله" "
((ده احنا زرنا النبى ))
وسبب التحريم انك بتشبه الضيف اللى زارك بالنبى وده
حرام وغلط. هى صحيح زيارة هذا الشخص طيبه وجميله لكن مش لدرجة انك تشبه بالنبى
.
((يلعن ابو الزمن اللى ))
ودى كلمه غلط لانك بتلعن الزمن
أوتدرى من هو الزمن (الدهر)
الزمن هو الله ألم تسمع حديث ابى
هريره:
عن أبي هريرة رضي الله
عنه قال : قال رسول الله - صلى الله عليه وسلم - : ( قال الله عز
وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار )
.
ومنها رواية للإمام أحمد
: ( لا تسبوا الدهر فإن الله عز وجل قال : أنا الدهر الأيام والليالي لي أجددها وأبليها وآتي بملوك بعد ملوك ) وصححه الألباني
.
جاء الحديث بألفاظ مختلفة منها رواية مسلم : "قال الله عز وجل : يؤذيني ابن آدم يقول : يا خيبة الدهر ، فلا يقولن أحدكم : يا خيبة الدهر ، فإني أنا الدهر أقلب ليله ونهاره فإذا شئت قبضتهما
".
ولهذا أثبت الله الأذية في القرآن الكريم فقال
تعالى : {إن الذين يؤذون الله ورسوله لعنهم الله في الدنيا والآخرة وأعد لهم عذابا مهينا }(الأحزاب 57)، ونفى عن نفسه أن يضره شيء
فقال تعالى : {إنهم لن يضروا الله شيئا }( آل عمران 176) ، وقال في الحديث القدسي :
( يا عبادي إنكم لن تبلغوا ضري فتضروني ) رواه مسلم
.
((الزمن غدار ))
والسبب
لنفس السبب السابق .
فى اغنيه من اغانيه قال عبد الحليم كلمة (( قدر احمق الخطا )) .....
استغفر الله العظيم
ماهو القضاء والقدر من الله .
)اسم النبى حرصه وصاينه)
ودى كلمه حرام جدا لانها بالشكل ده نسبت
حماية هذا العبد للنبى يعنى ان النبى هو اللى حاميه وطبعا هنا فيها نكرانيه
لله.
(مدد يا سيدى الحسين مدد...... وماشابه ذلك)
وطبعا حرام ، ذى
اللى يروح يدعى عند الحسين ويقول وحياتك يا سيدى يا حسين تخلينى اخلف مثلا او ابنى
ينجح او شىء اخر
.
- وتجد اناس يقعون فى خطأ كبير
وهو على سبيل المثال :
ان تجد شخص يعبر الشارع وكادت
سياره ان تدهمه ولكن جاء شخص اخر باعده عنها فتجده يقول له
( يااااااااااه لولاك يا اخى كنت الوقت فى خبر كان )
.
والحرام فى كده انه نسب انقاذه
من الموت له .
الصح انه
يقول الحمد
لله اللى خلاك تقف فى طريقى لتبعدنى ويشكره ولله الشكر
والحمد.
- تجد ايضا اناس كثيرون يقولون مثلا يعنى
:
( ياه ده الامتحان كان صعب جدا ،( لو ) وخد بالك من الكلمه دى( لو )
ربنا خد بيدى ونجحنى ده انا أصلى ركعتين او أطلع قرشين).
و كده كأنه بيشترط على
الله انك ياربى لو نجحتنى هصلى او هطلع فلوس ما نجحتنيش لا هصلى ولا هطلع فلوس .
شوفت بقى انها كلمه خطيره ازاى
.
- ايضا مثل ذلك من ينذر نذرا ( ندر يعنى ) فتجده
(ينذره للسيده عائشه او فاطمه ويروح يفرق شمع وحاجات تانيه كتير).
وده حرام لان الواحد مفروض
يطلع اللى عايزه لله فقط مش عشان حد تانى حتى لو كان من اهل بيت رسول الله ( صلى الله عليه وسلم)
فى كتير من البنات تلاقيهم ماسكين ورده ويقولو ( بيحبنى ، مابيحبنيش) ولو جت اخر ورقة فى ورق الورده بيحبنى
تفرح وتقول هيييييه بيحبنى ، اما بقى لو جت مابيحبنيش تلاقيها زعلت واضايقت كده و
قالت خلاص مافيش فايده وتعيط وتلاقيها مكتئبه
.
اهو ده حرام تعرف
ليه لانهم متخيلين ان الورده هى اللى بتحدد مستقبلهم
.
هتقولوا لا بس فى ناس بتعملها
من اجل اللعب
طب ليه ماتصليش صلاة
استخاره وتدعى تقول "يارب اللهم انى استخيرك فى امرى ان كان خيرا
فاكتبه لى وان كان شرا فابعده عنى ".
الوقت اللى هتضيعو فى تقطيع الورده تروح احسن تصلى ركعتين استخاره وتكسب ثواب
الصلاة.
- ايضا هناك اشخاص عاشقون
الصحف والمجلات تجدهم يأتون بالصحيفه كل يوم واول صفحه يفتحوها هى (حظك اليوم) .
الأحد سبتمبر 06, 2009 7:30 pm
